BACK DOOR Boletin Lia-Foun Kona ba Timór Loro Sa’e
Uma-fatin (pájina primáriu) | Lia-tetun | Lia-indonézia | Lia-portugés | Buka website ne’e
"Maibe kasian, labele hare IMF husi nian pratika demokratika. Lahanesan Banko Mundial, IMF la’os ativa an ba sosiedadi civil iha rai sira nebe mak sira serbisu ba. Biar reputasaun idane’e, iha hanoin/harapan katak mos IMF sei hili nian konseilheiru rasik hodi rona no hare partisipasaun ativa husi komunidadi Timoro Lorosa’e hodi hadia estruturas ekonomika iha ne’e." La’o Hamutuk, Institutu Timor Lorosa’e ba Analiza no Monitor Reconstrusaun
Haré:

lia-inglés / lia-tetum / lia-portugés / lia-fransés:
BD: Vizaun Jeral Hosi Fundu Ba Rekonstrusaun Timor Loro Sa’e

Boletim La'o Hamutuk

Vol. 2, No. 3 Junho 2001  [pdf 260k]  http://www.etan.org/lh/PDFs/bulv2n3T.pdf

Fundu Monetariu Internasional (IMF) iha Timor Lorosa’e

La’o Hamutuk, Institutu Timor Lorosa’e ba Analiza no Monitor Reconstrusaun


Iha Boletim Laran ...

http://www.etan.org/lh/PDFs/bulv2n3T.pdf  [pdf 260k]


Fundu Monetariu Internasional (IMF) iha Timor Lorosa’e

Fundu Monetariu Internasional (IMF) involve an diretamente iha Timor Lorosa’e hahu kedas iha loron 22 fulan Otubru tinan 1999, kuandu Fundu Monetariu Internasional nian Quadru Exekutivu hetan aprovasaun husi Kofi Anan Sekretariu Geral Nasoens Unidas nian atu (1) haruka misaun ida ba Timor Lorosa’e no 2) fo asistensia teknika konaba espesialidadi IMF nian.

Timor Lorosa’e laos membru IMF nian,tamba atu sai hanesan membru ne’e, ba deit nasaun sira nebe mak bele konduz rasik sira nian “politik estranjeru/ kebijakan luar negeri.” Maibe tamba Timor Lorosa’e nian politik estranjeru ofisialmente responsabilidadi UNTAET nian, tamba ne’e mak Timor Lorosa’e seidauk bele sai hanesan membru IMF nian.

Maibe, IMF hamriik iha Timor Lorosa’e ne’e, atu hola parti no halao politik ekonomia iha nasaun laran. Nomos IMF mak halao influensia daudaun ba rekonstrusaun nebe mak iha relasaun ho deze-nvolvimentu sira iha teritori laran, liuliu wainhira relasiona ba instituisoes ekonomikas no “policies.”

Tuir IMF nian publikasaun (tinan 2000), “Timor Lorosa’e: Hari Fundasaun ba Managemen Makro-ekonomia” (East Timor: Establishing the Foundations of Sound Macroeconomic Management), iha Timor Lorosa’e atu hari lalais modelu (estrutura) ba ekonomia iha fulan Setembru molok liu tiha tinan 1999. Ida ne’e iha nesesidadi “atu fo asuransi razoaveis ba grupus hotu mak involve an iha laran--inklui mos ba doadores--katak rekursus nebe mak atu fo ba Timor Lorosa’e sei uza didiak nomos sei fo kontabilidadi.” Tamba ne’e duni mak staff IMF “foka sira nian asistensia teknika ba ajuda UNTAET hodi dezenvolve modelu ida ba makro ekonomia atu bele tulun halo desizaun konaba ekonomia nomos hari institutus finanseirus.”

Pur ijemplu IMF mak halo esforsu hodi halo Dolar Amerikanu sai hanesan osan ofisial ba Timor Lorosa’e iha periudu rekonstrusaun nian laran.IMF mak fo rekomendasaun hodi hari Centru Gabineti ba Pagamentus (CPO) hodi kuidadu fundus no halo pagamentus, nomos Centru Autoridadi Fiskal.CAF hola parti iha administrasaun ETTA nian laran no sira mak halo estrategia imbrionik fiskal hot-hotu ba gubernu.Tamba neduni mak sira mos mak halo ETTA nian orsamentu (Fundu Konsolidasaun ba Timor Lorosa’e/Anggaran Konsolidasi Timor Lorosa’e), halo lei ba impostu nian, administrasaun ba kolesaun impostu nian nomos halo kordenasaun konaba gastus iha orsamentu nian.

IMF mos mak haka’as hodi halo impostus ba kafe, hotel, no ba restaurantes IMF mos mak hakarak fo salarius ki’ik ba ema Timoroan nebe mak serbisu ba ETTA liutan ba oin, iha IMF nian reportagen iha fulan Novembru tinan 2000, “Timor Lorosa’e: Dezen-volvimentu Resenti ho Makro-Ekonomia” hatudu katak iha tinan oin mai ne’e tenki koa pursentu 6.5 husi vensimentus no salarius hanesan mos ba sasan nomos ba agensia hot-hotu nomos pursentu 13 gastus ba sasan no serbisu sira baibain nian.

IMF nian staff mos fo rekomendasaun atu hamenus ema iha servisu publiku sira (servisu ba gubernu) no sira nian salariu mos tenki tuir nafatin hanesan salariu be sira hetan iha okupasaun Indonesia—kada tinan Dolar 1000, ou kada fulan Dolar 83. (Oras ne’e daudaun salariu ba servisu publiku kada fulan Dolar 123, maibe ema balun simu Dolar 85 no balun bele hetan to’o Dolar 361 kada fulan).

IMF halo analiza no estrategia konaba mina iha Timor Gap no gas natural. Staf IMF mos ajuda halo planu no haka’as atu kria lalais istituisaun statistika nasiunal ida, primaria maibe laos eskluzivu liu hodi bele hetan data ekonomika.

Iha IMF rua iha rai Timor Lorosa’e: ida mak serbisu ba planu orsamentu nian, ida fali mak fo asistensia teknika nian.

Membrus ba IMF ida ba dala uluk nian hare sira nian an nudar representativus ho advoga ba doadores nebe mak fo osan ba Timor Lorosa’e.Ema sira ne’e mak fo argumentu konaba hatun salariu nian.Wainhira sira lagosta saida mak Autoridadi Central Fiskal (CFA) sira halo—se, pur ijemplu, wainhira sira hanoin katak orsamentu nebe mak CFA halo laiha respon-sabilidadi fiscal--mak sira bele halo susar dalan ba UNTAET/ETTA no ba doadores.

Asistensia teknika IMF nian ajuda atu kria infra-estrutura fiskal ida atu nune’e gubernu Timor Lorosa’e bele implementa orsamentu, simu impostu, halo pagamentus nomos bele dezenvolve praticas relevantes no regulamentus. Konaba idane’e IMF ajuda identifika no selu osan ba ema matenek sira husi rai liur hodi halao lalais CFA ho CPO nomos aluga no treina ema Timoroan nebe mak sei halao duni agensia hirak ne’e. Oras ne’e daudaun IMF kontribui metadi husi salarius ba pozisaun hirak tuir mai ne’e: Membru Gabineti Finansa nian/ Chefe CFA; Komisiunariu/East Timor Revenue Services; CPO General Manager; CPO Deputy General Manager for Supervision; CPO deputy general Manager for Payments; no CPO Chief Accountant.

Iha sira nian relatoriu ba tinan 2000 konaba Timor Lorosa’e, IMF haka’as Timor Lorosa’e atu fo garantia katak iha desizaun fiskal ba tempu badak nian ”tenki hametin fundasaun forti ida ba dezen-volvimentu sustentavel nomos hamenus moris kiak iha tempu naruk.” IMF mos hateten tan katak Timor Lorosa’e sei bele dezenvolve estrategia makro-ekonomia ba tempu naruk ida “liu husi artisipasaun ativa husi ema Timoroan tomak mak iha prosesu laran—inklui mos ba modelu, implementasaun, monitor, no karik bele halo fali objetivus no desizaun prioridade.” Maibe kasian, labele hare IMF husi nian pratika demokratika. Lahanesan Banko Mundial, IMF la’os ativa an ba sosiedadi civil iha rai sira nebe mak sira serbisu ba. Biar reputasaun idane’e, iha hanoin/harapan katak mos IMF sei hili nian konseilheiru rasik hodi rona no hare partisipasaun ativa husi komunidadi Timoro Lorosa’e hodi hadia estruturas ekonomika iha ne’e.

Tuir relatoriu iha loron 15 fulan Marsu tinan 2000 iha Jornal Wall Street husi Estadus Unidus, IMF hare objetivu ida husi sira seluk iha Timor Lorosa’e mak redusaun dependensia teritori nian ba doadores internasional. “Sira labele moris deit ho ezmola ba beibeik, tamba ne’e duni mak sira tenki,” Luis Valdivieso, Chefe Missaun no Representanti espesial IMF nian ba Timor Lorosa’e hateten.

Hanesan La’o Hamutuk hakerek iha Vol.1, No.2 iha Bulletin “ezmola/ caridade” ne’e, termu ladun di’ak atu uza kona ba fundu internasional ba Timor Lorosa’e. Tamba maioria husi doadores ba Timor Lorosa’e fo ba Indonesia kilat sira, fundus no kobertura diplomatika ba invasaun no okupasaun iha Timor Lorosa’e, mak diak liu hare ba “caridade/ ezmola” idane’e hanesan responsibilidade ba buat ne’ebe mak nia halo liu ba.


"Husi ne’e, la halo hakfodak katak pratikas IMF hakarak hasai agendas husi nasaun riku sira iha mundu nian, liuliu atu hakiak nasaun kapitalista sira nebe mak fo ajuda ba “negociu livre/perdagangan tak beraturan” no investimentu nakloke. Maibe IMF hetan kritikas husi organisasaun dezenvolvimentu no NGO direitus humanus barak, nune’e mos hanesan husi guvernu nasiunal husi mundu tomak. Espesialmente iha termus konaba “ajustamentu estrutural” tusan nian, ema barak hare IMF hanesan haka’as desisaun sira hasoru nasaun kiak sira, nune’e halo susar bo’ot ba populasaun barak." La’o Hamutuk, Institutu Timor Lorosa’e ba Analiza no Monitor Reconstrusaun

Saida Mak Fundu Monetariu Internasiunal?

Fundu Monetariu Internasional (IMF), no Banku Mundial hari iha tinan 1944 iha konferensia ida iha Bretton Woods iha Estadus Unidus. IMF hahu nian operasaun iha Washington, DC iha tinan 1946. Hanesan Banku Mundial, IMF mos hanesan chave ida ba depois segunda guerra mundial, orden ekonomia internasional no instituisoes publikas nebe bo’ot liu nebe afeita ba dezenvolvimentu ekonomik iha mundu.

IMF hare nian an hanesan instituisaun koperativa ida ho nian 183 membru-nasaun siranebe mak hakarak halokoperasaun entre nasaun seseluk konaba problemas monetariu nian (problemas konaba kuantidadi osan nian iha ekonomia ida, tingkat suku bunga no nilai tukar). IMF hakarak fasilita sistema estavel ida ba halao negosiu troka osan nasiunal husi rai barak, atu nune’e bele haburas diak ekonomia no hasae nivel as ba impregu nian, nomos fo asistensia finansial temporariu ba nasaun barak atu nune’e bele azuda balansu iha ajustamentu ba pagamentu nian / keseimbangan pembayaran. (Hetan imbalansu iha pagamentu wainhira valor importasaun iha nasaun nian bo’ot liu exportasaun.Idane’e hakiak fali “balansu ida iha pagamentu” tamba neduni nasaun laiha osan nebe bele uza ho nasaun sira seluk nudar pagamentu, hodi selu ba importasaun). Atu fo konselhu teknik ba nasaun barak, IMF buka koko nian objetivu, liu husi fo’o impresta osan ba nasaun barak hetan difikuldadis iha obrigasoes finansial ba nasaun membru sira seluk.

Maibe baibain, IMF sei bele fo’o deit impresta osan ho kondisaun ida, katak nasaun neduni halo reformas atu bele halakon problemas konaba “balansu iha pagamentu/keseimbangan pembayaran” iha primeira prioridadi. Tamba neduni mak iha hanoin katak problema hirak ne’e internal—laos external—ba nasaun resipienti (nasaun be simu tulun ba). Idane’e bele dehan katak IMF mos fo tusan barak (idanebe mak Fundu sira bolu dehan “fundu kompensatori”) hodi azuda membru sira liu husi krisis temporariu tamba rendimentu husi exporta nebe menos maibe membrus sira la iha kontrola ba krisis ne’e.

Tuir tradisaun, iha divizaun ida konaba servisu entre Banku Mundial no Fundu Monetariu Internasional: Entretantu Banku nian serbisu mak fo fundus ba dezenvolvimentu iha projetus ba tempu naruk nian, IMF fo impresta osan ba finansia imergensia imediata. Iha tinan barak mak frenti entre Banku Mundial no Fundu sai malahuk hela--liuliu iha area ajustamentu estrutural tusan nian--mekanizmu ida seluk husi IMF.

“Ajustamentu estrutural”- halo hanesan fila fali secara estrutural - tusan nian fo azuda ba “interese iha nivel okos liu/ tingkat minat yang sangat rendah” ba nasaun kiak sira hodi infrakese sira nune’e radikalmente re-estrutura sira nian ekonomia - “hodi hamos sira nian an husi problema basiku nebe la efisiensia iha tempu naruk tuir Fundu nian. “Ajustamentu estrutural tusan hirak ne’e” presiza “kordenasaun metin liu ho Banku Mundial . . . wainhira halao reforma nebe sei hadiak difikuldadi iha rekursu ba pagamentus hodi bele prepara baze ba dezenvolvimentu ekonomik”.

Tipikamente, “reforma” ka “ajustamentu” hirak ne’e haruka nasaun barak atu koa tiha tipus gastu sosial balun, hodi privatiza “kompanyia nebe estadu sira nian/perusahaan milik pemerintah,” hodi hatun vensimentu iha serbisu publikas nian, atu nune’e bele halakon subsidius no kontrola presu sasan nian, nune’e promove exportasaun no/ou fo’o dalan ba nivel sira bo’ot liu mak mai husi investimentu estrangeiru nian. Desizaun ida hanesan ne’e tipikamente modifika kedas, buat nebe mak ladiak, no disporporsiona efeitus iha sectores mak vulneravel liu iha sosiedadi.

Hanesan Washington, DC besik liuba Banku Mundial, mak IMF mos laos organizasaun demokratika, maibe membrus riku nain sira mak domina iha laran.Wainhira kesi an ho IMF, nasaun be hamrik nudar membrus tenki kontribui osan balun. Kontribuisaun idane’e mak hanaran “quota/jatah”, kuantidadi ne’e mos mak determina poder vota ba membru nian.

IMF mak disidi konaba “quota/jatah” nasaun nian bazeia ba nasaun nian rikeza no performansia ekonomika. Baibain nasaun be riku liu mak iha “quota/ jatah bo’ot liu. Wainhira nasaun ida iha problema konaba “balansu ida iha pagamentu/keseimbangan pembayaran, mak automatikamente dada pursentu 25 husi kontribuisaun mak mai husi IMF. Karik presiza liu mak nasaun bele husu ba IMF hodi fo’o lisensa ba impresta osan dala tolu liu tiha nian “quota/jatah” iha tinan balun nian laran. Iha kazu sira finansial emergensia nian (hanesan krisi iha Asia, iha tinan 1997), IMF fo fundu espesial (nebe hanaran “apoiu fasilidadi reserva nian”) nebe fo kuantidadi osan balun iha tempu badak nian. Enkuantu “nasaun riku sira” mak baibain debe osan husi IMF, nasaun riku sira— hanesan Inglaterra—mos dala ruma mos halo hanesan.

Konforme IMF, funsaun no desizaun hirak ne’e hotu mos efisienti liu nune’e iha responsabilidadi liutan liu husi kbiit vota membrus nian diretamente ba osan nebe mak sira kontribui ba instituisaun, tuir sira nian “quota/ jatah”. Hanesan rezultadu husi sistema idane’e, kuantidadi kiik husi nasaun sira kapitalista hamriik iha pozisaun ida atu determina pratikas IMF. Pur ijemplu Estadus Unidus mesak, iha mais ou menus pursentu 18 vota IMF nian.Hamutuk ho Estadus Unidus, Germania, Japaun, Inglaterra no Franca kontrola mais ou menos pursentu 40 vota nian. (Ao contrario/ sebaliknya nasaun lima husi America Sentral kaer hamutuk hetan 1/2 husi pursentu 1 vota nian). Hanesan ho prezidensia husi Banku Mundial—mak tuir tradisaun pozisaun iha ema Amerikanu nian liman— tuir tradisaun sai hanesan prezidenti iha IMF iha ema Europa “barat” nian liman.

Husi ne’e, la halo hakfodak katak pratikas IMF hakarak hasai agendas husi nasaun riku sira iha mundu nian, liuliu atu hakiak nasaun kapitalista sira nebe mak fo ajuda ba “negociu livre/perdagangan tak beraturan” no investimentu nakloke.

Maibe IMF hetan kritikas husi organisasaun dezenvolvimentu no NGO direitus humanus barak, nune’e mos hanesan husi guvernu nasiunal husi mundu tomak. Espesialmente iha termus konaba “ajustamentu estrutural” tusan nian, ema barak hare IMF hanesan haka’as desisaun sira hasoru nasaun kiak sira, nune’e halo susar bo’ot ba populasaun barak.

Ba defende nia an, IMF hanoin katak concordancia hot-hotu entre nia an ho nasaun membru ne’e hanesan rezultadu husi negosiasaun tamba neduni mak lahalao buat a’at ida. Maibe wainhira Joseph Stiglitz, Chefe ekonomista no vice prezidenti ba Banku Mundial husi tinan 1997 to’o ba tinan 2000, foin liu dadaun ba hakerek, “teorikamente [IMF] fo ajuda ba instituisaun demokratika sira iha nasaun seseluk. Maibe iha pratika, nia estraga prosesu demokratika liu husi desizaun obrigatoria sira. Los duni, ofisialmente IMF lahalo a’at buat ida. Nia halo negosiasaun hodi simu azuda. Maibe kbiit tomak husi negosiasaun sira nian, iha parte ida deit—IMF nian—no Fundu quaze nunka fo tempu sufisienti ba hakiak konsensus ka halo konsulta ho parlamentu ou sosiedadi civil.”

Maibe, tuir lolos, karik nasaun ida lahetan aprovasaun husi IMF mak sei lahetan asistensia husi Banku Mundial ka husi bancos privados. Nasaun ida labele sai hanesan membru ida ba Banku Mundial, wainhira laiha lahamutuk uluk lai ho IMF. Tamba neduni mak IMF hetan relasaun diak iha kbi’it nian hodi garanti katak “negosiasoes” lao tuir nia dalan. Idane’e espesialmente lolos duni ba nasoes mak relativamente kiak no fraku. Ba nasaun bo’ot sira no forti liu— hanesan Russia, Mexico, no Indonesia—iha pozisaun diak liu hodi negosia konsensus favoravel ho Fundu. Iha ne’e IMF dalabarak hakarak la importa tiha ekonomia profundu, politika, no problemas iha ambienti sosial iha nasaun hirak ne’e, no fo’o fundu signifikanti ba sira tamba agendas politika husi Fundu nian membru biit nain sira. Iha daudaun tinan ne’e nian laran, pur ijemplu, Indonesia ho Russia simu osan barak husi IMF maske iha korupsaun no iha estrutura governu laran naok husi osan publika.




Komunidadi Sira Servisu Hamutuk

Povu sira lolo liman ba malu atu hodi husu makaas konaba kontrola hasoru desisaun sira nebe mak afeta ba sira nian moris no sira nian hela fatin. Grupu servisu transnasiunal ida konaba dezenvolvimentu, direitus humanus no meiu ambienti halao soru mutu ida naran forum organizasaun non guvernamental wainhira iha sorumutu Banku Mundial no IMF nian. Grupu servisu ne’e hatete katak cidadaun sira tenki husu ba instituisaun publika hirak ne’e atu nune’e bele diriji millhaun dolar bar-barak husi rekursus publikus sira ida-idak nebe fo fiar ba sira ba dezenvolvimentu nebe mak demokratiku, sosialmente justu no tuir meiu ambiente nebe mak sustentavel. Iha sira nian soru mutu ne’e no iha momentu seluk mos koligasaun ida ne’e hato’o desisaun alternativa sira nune’e bele azuda organiza kampanhe transnasiunal atu bele troka desisaun sira iha instituisaun global hirak ne’e. Iha ijemplu ida, koligasaun ne’e ajuda hodi hamoris presaun nebe haruka Banku Mundial atu modifika ninia desisaun sira nebe mak fo korazen ba destruisaun ai laran iha Brazil no kria departementu ida nebe halo konta ba meiu ambienti, entre responsablidadi sira seluk, ho ida nebe responsivu ba preokupasaun sira husi komunidadi UNO nebe servisu ba meiu ambiente. Iha ijemplu seluk, grupu seseluk ajuda atu organiza protestu sira foin dadauk ne’e, nebe halao iha Prague no Seatle ba Organizasaun Komersiu Mundial (WTO) ne’e halo desizaun injusta.


Tetum: (the most common East Timorese language)
La’o Hamutuk, Institutu Timor Lorosa’e ba Analiza no Monitor Reconstrusaun  Updated June 27
Saida mak La’o Hamutuk? La’o Hamutuk organizasaun klibur Ema Timor Lorosa’e no Ema Internacional ne’ebe buka atu tau matan, halo analize ho halo relatorio kona ba hahalok (actividade) instuisaun internacional ne’ebe oras ne’e haknaar iha Timor Lorosa’e, liu-liu hahalok sira ne’ebe iha relasaun ho rekonstrusaun fizika no social Timor Lorosa’e nian. La’o Hamutuk fiar katak Povo Timor Lorosa’e mak tenke hakotu iha procesu rekonstrusaun ne’e nia laran no procesu rekonstrusaun ne’e tenke demokratiku no transparante duni.
Staf Timor oan: Inès Martins, Fernando da Silva, Thomas Freitas; Staf Internasional: Pamela Sexton, Mark Salzer; Kuadru Ejekutivu: Sr. Maria Dias, Joseph Nevins, Fr. Jovito Rego de Jesus Araùjo, Aderito Soares Durubasa: Benjamin Sanches Afonso, Tomé Xavier Jeronimo, Maria Bernardino, Manuel Tilman, Djoni Ferdiwijaya Ilustrador: Sebastião Pedro da Silva, Nan Porter Design Jeronimo Staf Monitoriu Projektu Judiciariu JSMP: Christian Ranheim, Caitlin Reiger, Rayner Thwaites
Local Contact:  P.O. Box 340, Dili, East Timor (via Darwin, Australia)  Mobile fone: +61(408)811373;  Telefone Uma: +670(390)325-013
International contact: +1-510-643-4507 Email: laohamutuk@easttimor.minihub.org  Homepage: http://www.etan.org/lh
Boletim La’o Hamutuk: [Tetum PDF format]
Vol. 2, No. 3 Junho 2001 Fundu Monetariu Internasional (IMF) iha Timor Lorosa’e: http://www.etan.org/lh/PDFs/bulv2n3T.pdf
Vol. 2, Nos. 1-2 Abríl 2001 Vizaun Jeral Hosi Fundu Ba Rekonstrusaun Timor Loro Sa’e: http://www.etan.org/lh/PDFs/lhbl2n1t.pdf
Vol. 1, No. 4, 31 Dejembru 2000 Banku Mundial iha Timor Loro Sa’e: http://www.etan.org/lh/PDFs/lhbul4tm.pdf
Vol. 1, No. 3, 17 Novembro 2000 Hari Sistema Saude Nasional iha Timor Lorosa’e:  http://www.etan.org/lh/PDFs/LHbul3tm.pdf
Vol. 1, No. 2, 17 Julho 2000 Protesaun ba meio ambiente iha TL: http://www.etan.org/lh/PDFs/bulletin02tetum.pdf
Vol. 1, No. 1, 21 Juñu 2000 Rekonciliasaun: http://www.etan.org/lh/PDFs/bulletin01tetum.pdf

English:
La'o Hamutuk: East Timor Institute for Reconstruction Monitoring and Analysis  Updated May 16
La'o Hamutuk (Tetum for Walking Together) is a joint East Timorese-international organization that seeks to monitor, to analyze, and to report on the reconstruction activities of the principal international institutions. It believes that the people of East Timor must be the ultimate decisionmakers in the reconstruction process and that the process should be as democratic and transparent as possible ...
East Timorese staff: Inès Martins, Fernando da Silva, Thomas Freitas; International staff: Pamela Sexton, Mark Salzer Executive board: Sr. Maria Dias, Joseph Nevins, Fr. Jovito Rego de Jesus Araùjo, Aderito Soares
International contact: +1-510-643-4507  Email: laohamutuk@easttimor.minihub.org  Homepage: http://www.etan.org/lh
La’o Hamutuk Bulletin: http://www.etan.org/lh/bulletin.html
Mar 23 2001 LH: Job announcement for La'o Hamutuk in East Timor: http://www.pcug.org.au/~wildwood/01marjob.htm
Activity Report: Mar 16 2001 LH: http://www.pcug.org.au/~wildwood/01marlhreport.html


Haré:

lia-inglés / lia-tetum / lia-portugés / lia-fransés:
BD: Vizaun Jeral Hosi Fundu Ba Rekonstrusaun Timor Loro Sa’e


Haruka buat lia-foun, reportajen, ai-knanoik ho istória jornalista lia-loos sira ba BACK DOOR nia korreiu ba li’ur elektróniku: wildwood@pcug.org.au
Korreius: BACK DOOR, GPO Box 59 (Kaixa 59), Canberra City (Sidade Canberra), ACT  2601, AUSTRALIA
Se Ita hakarak simu boletin lia-foun semana-semana karik Ita bele email wildwood@pcug.org.au ho liafuan ‘Subscribe BACK DOOR’ iha kabesallu mensajen ne’e. Boletin email sira hakerek prinsipál lia-inglés. Dala balu nia inklui liafuan bahasa, lia-portugés i lia-tetun.
BACK DOOR Boletin Lia-Foun Kona ba Timór Loro Sa’e

Uma-fatin (pájina primáriu) | Lia-tetun | Lia-indonézia | Lia-portugés | Buka website ne’e
Email (korreiu ba li’ur elektróniku): wildwood@pcug.org.au
WEB-fatin (Pájina primáriu): http://www.pcug.org.au/~wildwood