BACK DOOR Boletin Lia Foun Kona ba Timor Loro Sa’e    uma | krize | buka


Fonte:
Sr Lisualdo Gaspar: Segundo Secretario, Embaixada de Timor-Leste, Australia

timor.embassy@bigpond.com
25 Blaxland Crescent
Griffith ACT 2603
Australia


Lia portugés

Lia inglés





REPÚBLIKA DEMOKRÁTIKA TIMOR-LESTE
GABINETE PRIMEIRU-MINISTRU


KOMUNIKADU IMPRENSA

14 Jullu 2006

PM RAMOS-HORTA FÓ SAI FORMASAUN GOVERNU FOUN



Primeiru Ministru, Dr. José Ramos-Horta ohin fó sai tiha ona formasaun Governu foun.

Esélensia Prezidente Repúblika Demokrátika Timor-Leste, Kay Rala Xanana Gusmão aprova Dr. José Ramos-Horta nia rekomendasaun sira kona-ba kompozisaun Timor-Leste nia Segundu Governu Konstitusionál no tomada pose Ministériu foun.

Dr. Ramos-Horta hatete katak nia sauda ekipa foun ne’e.

“Ekipa foun ne’e refleta profundade talentu ne’ebé iha tiha ona iha nivel sira ministérial nian no nesesidade atu mantein nafatin Ministru sira ne’ebé hatene didiak tiha ona sira-nia área pasta nian tanba fulan sia ne’e nu’udar tempu ida ne’ebé badak atu implementa planu asaun Governu nian, no iha mudansa kiik liu ne’e, nu’udar buat ida ne’ebé diak liután”, Dr. Ramos-Horta hatete.

“Ha’u-nia ekipa foun ne’e selesiona ho kuidadu hafoin tiha hala’o konsulta ho ha’u-nia Vise Primeiru Ministru nain rua, Enjineiru Estanislau da Silva no Dr. Rui de Araújo ne’ebé ha’u iha konfiansa total no ho Fretilin, partidu maioria iha Parlamentu, tuir Konstituisaun.

“Ha’u iha konfiansa katak minstru sira foun ne’e sei aumenta forsa ba Governu ne’e. Hamutuk ho sira-nia kolega sira ne’ebé iha ona esperiensia, sira ne’e importante atu hamosu re-jerasaun ba administrasaun, no implementasaun ba ha’u-nia objetivu sira ba Timor-Leste kona-ba seguransa nasionál, forsa ekónomika no estabilidade sosial,” Primeiru Ministru hatete. “Ha’u sei garante katak Ministériu tomak sei ajusta ba  kestaun prioridade no emerjensia nian sira.”

Primeiru Ministru Ramos-Horta hatete katak kna’ar imediata ninia Governu nian maka atu konsolida seguransa iha Dili no iha Timor-Leste tomak, no tau fali kondisaun sira nesesária atu bele halo Timoroan sira ne’ebé dezlokadu hodi fila fali atu harii fali sira-nia moris.

“Hanesan ha’u hatete iha ha’u-nia diskursu tomada pose nian iha prinsipiu semana ne’e katak ita-nia povu terus maka’as tiha ona, no sira barak ne’ebé kiak molok krize ne’e mosu oras ne’e lakon tiha ona buat oituan ruma ne’ebé sira iha maibé sira mós lakon tiha ona fiar ba iha instituisaun sira estadu nian, no mós ba iha lider polítiku sira. Ha’u-nia Governu ninia objetivu iha semana no fulan hirak tuir mai maka atu restaura fali fiar no esperansa, respeitu ba ita-nia demokrasia no ba ita-nia estadu nasaun nurak ida ne’e.

Governu ida ne’e sei la buka razaun atu aprezenta baruk. Governu ida ne’e sei buka atu servi interese diak liu hotu povu Timor-Leste nian, “ Dr. Ramos-Horta hatete.

Primeiru Ministru Ramos-Horta hatete katak nia haksolok ho oin foun sira ne’ebé lori tama mai iha ninia Governu laran.

“Ha’u haksolok katak Embaixador José Luis Guterres konkorda tiha ona atu sai ha’u-nia susesor ba pasta Asuntu Estranjeiru no Kooperasaun nian”, Dr. Ramos-Horta hatete. “Nia ne’e nu’udar diplomata ida ne’ebé respeitadu diak no iha esperiensia barak iha Timor-Leste no iha komunidade internasionál.

“Ha’u partikularmente haksolok ho defaktu katak Fretilin, ho espiritu rekonsiliasaun loloos nian, simu tiha ona ha’u-nia rekomendasaun atu hatama Embaixador Guterres, fundador partidu maioritáriu iha Gabinete laran,” Primeiru Ministru hatete.

Oin foun ida seluk iha Governu maka Enjineiru Inácio Morreira, Dekanu Eskola Politéknika, ne’ebé sai nu’udar Ministru ba Transporte no Komunikasaun; no Lino Torrrezão, funsionáriu públiku ida ne’ebé iha kualidade aas, ne’ebé sai nu’udar Sekretáriu Estadu ba Koordenasaun Rejiaun IV.

Balu ne’ebé hosi administrasaun uluk nu’udar Vise Ministru sai Ministru iha Dr. Ramos-Horta nia Governu, purezemplu hanesan José Teixeira, ne’ebé sai Ministru Rekursu Natural, Minieral no Polítika Enerjétika, no Rosália Corte-Real ne’ebé kaer pasta Edukasaun no Kultura nian.

“Ha’u hakarak atu hato’o obrigadu ba kolega sira ne’ebé hakat tiha ona ba fatin seluk, ba sira-nia kontribuisaun no hein katak sira bele kontinua iha kna’ar atu dezenvolve ita-nia rain,” Primeiru Ministru Ramos-Horta hatete. – FINÁL.


Atu hetan tan informasaun, halo favor kontaktu ho:

CHRIS SANTOS
Asesor Imprensa/ Konselleiru Média nian
Tel: +670 729 7099

(Halo favor  haree lista Governu foun nian iha pájina sira tuir mai)


Segundu Governu Konstitusionál
   

Primeiru-Ministru: Dr. José Ramos-Horta

Vise Primeiru-Ministru sira:

1 – Vise Primeiru Ministru no Ministru Agrikultura, Floresta no Peska: Enj Estanislau da Silva
2 – Vise Ministru no Ministru Saúde: Dr Rui Maria Araújo

Ministru/a sira:

3 – Ministru ba Asuntu Estranjeiru no Kooperasaun: Jose Luis Guterres
4 – Ministra ba Planu no Finansa: Madalena Brites Boavida
5 – Ministra ba Administrasaun Estatal: Ana Pessoa
6 – Ministru Defeza: José Ramos-Horta
7 – Ministru Interior: Alcino Barris
8 – Ministru ba Prezidensia Konsellu Ministru: Antoninho Bianco
9 – Ministru ba Transporte no Komunikasaun: Inácio Moreira
10 – Ministru ba Agrikultura, Floresta no Peska: Estanislau da Silva
11 – Ministru ba Edkukasaun no Kultura: Rosália Corte-Real
12 – Ministru ba Sáude: Rui Maria de Araújo
13 – Minister Traballu no Reinsersaun Komunitária: Arsénio Paixão Bano
14 – Ministru ba Justisa: Domingos Sarmento
15 – Ministru ba Dezenvolvimentu: Arcanjo da Silva
16 – Ministru ba Obras Públika: Odete Victor
17 – Ministru ba Rekursu Natural, Mineral no Polítika Enerjétika: José Teixeira

Vise-Ministru sira:

1 - VM ba Foreign Affairs and Cooperation: A. Magno
2 – VM ba Planu no Finansa: Aicha Bassarewa
3 – VM ba Administrasaun Estatal: Valentim Ximenes
4 – VM ba Adminstrasaun Estatal: Filomeno Aleixo
5 – VM Interior: Sei Fó Anunsiu                  
6 – VM ba Transporte no Komunikasaun: Sei Fó Anunsiu
7 – VM  ba Agrikultura, Floresta no Peska: Francisco Tilman Benevides
8 – VM ba Edukasaun Superior no Téknika: Sei Fó Anunsiu   
9 – VM ba Eduksaun Sekundária no Primária: Ilda da Conceição
10 – VM ba Saúde: Luis Lobato
11 – VM ba Justisa: Sei fo Anunsiu
12 – VM ba Obras Públika: Raul Mousaco
13 – VM  ba Dezelvolvimentu: António Cepeda

Sekretáriu Estadu sira:

1 – Sek. Estadu ba Konsellu Ministru: Gregório de Sousa
2 – Sek. Estadu ba Koordenasaun Ordenasaun Teritóriu no Ambientál: João Batista Alves
3 – Sek. Estadu ba Juventude no Desportu: José Manuel Fernandes
4 – Sek. Estadu ba Kultura: Sei Fó Anunsiu
5 – Sek. Estadu ba Asuntu Eis Kombatente no Veteranu: David Ximenes
 
Sekretáriu Estadu ba Rejiaun sira:

6 – Sek. Estadu ba Koordenasaun Rejiaun I: José Reis
7 -  Sek.Estadu ba Koordenasaun Rejiaun II: Adriano Corte-Real
8 -  Sek.Estadu ba Koordenasaun Rejiaun III: Sei Fó Anunsiu
9 –  Sek. Estadu ba Koordenasaun Rejiaun IV: Lino Torrezão
10 –Sek. Estadu rezidente iha Oe-Cusse: Albano Salem




Se Ita hakarak simu boletin lia-foun semana-semana karik Ita bele email wildwood@pcug.org.au ho liafuan ‘Subscribe BACK DOOR’ iha kabesallu mensajen ne’e. Boletin email sira hakerek prinsipál lia-inglés. Dala balu sira inklui liafuan bahasa, lia-portugés i lia-tetun.
BACK DOOR Boletin Lia Foun Kona ba Timor Loro Sa’e    uma | krize | buka
Situs-web: http://www.pcug.org.au/~wildwood Email: wildwood@pcug.org.au