BACK DOOR Boletin Lia-Foun Kona ba Timór Loro Sa’e
Uma-fatin (pájina primáriu) | Lia-tetun | Lia-indonézia | Lia-portugés | Buka website ne’e
"Ema barak nebe iha interse maka’as atu evolve sistema saudi nian fo kritika bar-barak kona ba dejenvolvimentu iha aspektu ida ne’e. Kritiku nebe ema barak hatene (Common) mak kona ba konsultasaun nebe ladun to’o ho populasaun lokal, ONG internasional no partner lokal sira nebe involve iha sektor saudi. Nune’e mos ema barak ladun fiar katak fundu la dun adekuadu atu bele fo garantia ba standar saudi minimu no sustainabilidadi praju-naruk em termus provisaun servisu saudi nian. Iha linha nebe hanesan iha mos concerns kona ba sasan tekniku nebe la to’o iha fatin atu hala’o treinu ba. ... Konstrusaun ba facilidadi saudi nian nudar area ida nebe kompanhia lokal sira potensialmente bele partisipa. Maibe tamba Banku Mundial ho DHS rekere standar nebe as teb-tebes ba kontrator sira, no aceita de’it tawaran kontrak ba grupu hosi klinika lima, ida ne’e la dun fo fiar katak timor oan sira nebe halo bisnis (ONG lokal ka internasional) sei simu kontratu ruma. Atu kaer projektu hirak ne’e precija kapital no kapacidadi nebe boot teb-tebes). Resultadu nebe ita bele hetan hosi ne’e mak osan tokon ba tokon sei ba para hotu iha malae sira nia liman. Osan sira ne’e sei la hela iha Timor atu ajuda hodi hametin ekonomia lokal." La’o Hamutuk, Instituto Timor Lorosa’e ba Analiza no Monitoring Reconstrucao
Haree:

BD: Suatu kumpulan warta berita, artikel dan laporan dalam Bahasa Indonesia
BD: Reconstruction and 'Aid & Development' / Rekonstrusaun i 'Ajuda i Dezenvolvimentu' / Reconstrução e 'Ajuda e Desenvolvimento'
BD: Financing Reconstruction in East Timor / Fundu Ba Rekonstrusaun Timor Loro Sa’e / Bantu uang: Rékonstruksi
BD: Capacity Building & 'Timorisation' / à Criação de Capacidades
BD: Peoples' Participation / Partisipasaun Politika / Partisipasi Politik / Participação Dos Povos
BD: East Timor National NGO Forum / Forum Nacional ONG Timor Lorosa'e (FONGTIL) / LSM-LSM Timor Loro Sa’e

Boletim La’o Hamutuk  Vol. 1, No. 3: 17 Novembro 2000

Hari Sistema Saude Nasional iha Timor Lorosa’e

85k PDF format: http://www.etan.org/lh/PDFs/LHbul3tm.pdf



 

Hari Sistema Saude Nasional iha Timor Lorosa’e
 

Konteúdu:
Introdusaun
Hosi Autoridadi Interim Saudi (IHA) ba Divisi Servisu Saudi (DHS)
Peranan ONG internasional sira
“Concerns” no Kritiku
* Populasaun Lokal nebe Marjinalizadu
* Planu Sektor Saudi Nasional nebe ladun involve ONG internasional sira
* Sustainabilidadi no Pemeliharaan Sektor Saudi Publiku nebe forte
* Tekanan nebe La sufisiente ba Saudi Ambiente


Introdusaun

Saude povu timor Lorosa’e nian depende ba nivel signifikante hosi implementasaun kona ba oinsa mak serbi ba saude nasional nebe efektivu no bele fo fiar no accessu ba ema hotu-hotu.

Nudar destroisaun nebe mosu iha fulan Septembru 1999; sistema saude kiak nebe Indonesia husik hela; no efeitus longu-praju hosi funu no okupasaun Indonesia nian fisikamente ka psiko-lojikamente ba Timor oan sira, ne’e hotu atu hateten katak Timor precisa teb-tebes ba saude.

Militar Indonesia ho milisias sira estraga postus ba saude nian 77% kuandu iha 30 Agostu 1999 povu vota ba independensia. Sura hotu ba ka buat nebe mak rahun los to’o 35 %. Aumenta tan katak sira estraga ekipamentu mediku nian to’o 67 %. No iha okasiaun nebe hanesan medikus sira hosi Indonesia nian dada-an hotu ba sira nia rain. Maibe sei iha enfermeiru ho enfermeira timor oan sira nebe hetan treina hosi Portugal ho Indonesia. Doutor oituan de’it. Ohin loron rasio doutor ho ema moras iha Timor mak doutor na’in tolu ba ema 100.000. Kompara ba Indonesia ho Australia mak iha Indonesia doutor na’in 12 ba ema moras 100.000 no iha Australia doutor na’in 240 ba ema moras 100.000.

Efeitus hosi kampanhe terror Indonesia nian post-referendum, ONG internasional ho lokal sira mai atu hakonu fatin sira nebe mamuk hela nebe mai husi destroisaun uluk ba infrastrutura saude nian. Dadaun iha doutor timor oan 23 no espesialista ida ba teritoriu tomak. Haré hosi ne’e sistema nebe mosu sei sadere maka’as liu ba assistensia internasional. ONG sira nebe hetan fundu hosi doadores lubun ida no Divisi Servisu ba Saude (DHS/ Division of Health Services) mak kordena nudar ONG uluk nebe lolo liman ba servisu saude nian. Ema moras sira bele hetan tulun hosi espesialista sira iha Dili ho Baucau de’it.

Fase emergensia ba provisaun saude nian liu tiha ona. Sektor saude Timor Lorosa’e nian dadaun tama iha tranjisaun ba iha dejenvolvimentu praju naruk. IHA (Interim Health Authority) nebe hari iha fulan Fevereiru liu ba nudar pasu ida ba processu desenvolvimentu iha sektor ida ne’e. (Fulan Agostu liu ba IHA muda naran ba DHS)


Hosi Autoridadi Interim Saudi (IHA) ba Divisi Servisu Saudi (DHS)

IHA mosu hosi esforsu grupu servisu timor oan sira nebe profesional ba saudi nian. Grupu ne’e hala’o nia workshop uluk iha fulan Dejembru no desidi atu haré fila fali infrastrutura saudi Timor Lorosa’e nian. Grupu ne’e hola inisiativa atu bele forma Grupu Servisu Hamutuk ida ba servisu saude nian. Grupu Servisu Hamutuk ne’e inklui representante hosi UNTAET, ONG internasional sira, Organizasaun Saudi Mundial (WHO), UNICEF ho UNPF (United Nations Population Fund). Grupu Servisu Hamutuk ne’e identifika necesidadi ba provisaun servisu saudi nian nebe importante liu, no ukuran nebe bele hadia lalais kondisaun saudi nian no tuntutan atu bele hatan kona necesidadi sira ne’e iha tempu badak. Iha fula Fevereiru sira hala’o workshop ba dala rua hodi deskute kona buat nebe sira hetan, no sira hakotu lia atu bele forma standar minimu ida atu hari organizasaun ida hodi kordena sistema saudi Timor Lorosa’e nian. Liu tiha enkontru ida ne’e, UNTAET hari IHA nudar gabungan badan internasional-Timor Lorosa’e, mos nudar embrio “Ministeriu Saudi” ba Timor Lorosa’e.

DHS konsiste hosi timor oan profesional na’in 16, staf internasional na’in 7 hosi repartisaun saudi UNTAET nian. Doutor Sergio Lobo ho Doutor Jim Tulloch mak ulun ba organizasaun ne’e. Divisi nia objektivu ba praju badak mak kolabora ho agensia sira hosi ONU nian, ONG sira nebe servisu ba saudi, no Banku Mundial atu:
1) bele fo asistencia basico ba saudi, no
2) bele halo planu ida didiak kona ba sistema saudi nebe Timor Lorosa’e precija.

Haré hosi objektivu uluk, aktividade sira inklui hari fila fali no rehabilitasaun fasilidades saudi nian, hari fila fali servisu saudi basiku, hatama aimoruk sira nebe esensial ho pelayanan imunizasaun, treinu no suporta servisu-na’in ba saudi lokal nian, no pemeliharaan sistema atu kontrola moras nebe da’it nebe WHO hala’o iha fulan Septembru 1999 hamutuk ho improvimentu ba prevensaun moras no kontrola.

DHS mos hola resposabilidadi atu ajuda dejenvolve kebijakan saudi, sistema, legislasaun no regulamentu nasional, no determina mekanismu atu bele garante fundu nebe sufisiente ba sistema saudi nian. Iha pontu ida ne’e sektor saude nian simu fundus barak liu hosi doadores internasional sira. - porsi signifikante ida nebe Banku Mundial administra (haré pag. 2).

Iha mos aktividadi balun nebe hala’o iha liur no la halo parte iha DHS, hanesan ONG nebe serbi ba saude lokal, assosiasoens balun, no mos servisu sira nebe iha relasaun ba saude. Imporante liu-liu mak postus saude hosi Igreja Katolika ho Igreja Protestante. Igreja Katolika iha klinika 23 no sentro saude nian iha teritoriu laran. Iha mos klinika kooperativu Kafe Timor (CCT) nebe dadaun iha tolu, maibe tuir planu sira atu hari mak 14 nebe sira sei hari iha fatin hat nebe fo produsaun kafe maka’as iha Timor laran. CCT hein atu bele fo servisu ba servisu-na’in saude nian 100. Sira ne’e tenke ema timor oan. CCT sei tau mos doutor rua-rua ba distritu hat ne’e. Klinika CCT nian sei serve ba membrus 17.000 hosi kooperativo ho sira nia familia (sura hamutuk ho populasaun nebe haleu iha neba liu rihun 70). Ikus liu PKF nebe hosi kontingen oin-oin fo mos pelayanan iha parte saudi nian.

IHA/DHS sei gasta besik US$70 juta iha tinan tolu ne’e nia laran atu hala’o nia funsaun oin-oin, no sei fo servisu ba servisu-na’in saudi nian 1.087 iha tinan 2001 (nebe mayoria hosi enfremeiru/a- kategoria ida nebe inklui parteira sira). (Durante okupasaun Indonesia nian iha enfremeiru/a 1.887 nebe terdaftar). Redusaun ba numeru empregadu iha sektor saude nian ne’e desizaun hosi UN, Banku Mundial, ho CNRT. Sira tauk katak empregadu nebe barak liu sei la diak wainhira Timor ukun-an. Sira baseia ba asumsi ida katak nasaun sei hetan rekursus ba osan nian nebe limitadu atu bele selu ema bar-barak. Staf oituan deit mak servisu iha sektor saude nian lori ita ba to’o hanoin katak servisu-na’in ba saudi nian sei la to’o atu hatan povu Timor Lorosa’e nia nessessidadi kona ba saudi nian - maski iha servisu-na’in ba saudi nian.

Dr. Sergio Lobo rekonhese kona personil medis nebe la to’o, liu-liu doutores iha Timor Lorosa’e. Maibe nia fiar katak DHS sei iha kapasidadi nebe sufisiente atu serbi povu waihira UNTAET husik hela teritoriu ne’e. Tuir doutor Lobo moras barak iha Timor nebe la precija doutor, maibe enfremeiru ka enfremeira sira bele halo kurativu no tratamentu ho rekursu nebe iha ona. Doutor Sergio haré ba oin katak buat nebe bele aumenta mak fo oportunidadi ba partisipasaun komunidadi ho komite saudi lokal iha postu (sub-distritu) ida-idak, fo oportunidadi barak ba feto sira ba edukasaun no provisaun atu halo tratamentu saudi nian. Lobo mos hateten katak atu bele hamenus konfliktu, transformasaun sosial tenke mosu hosi valores sosial nebe iha no original do que hosi di’ak maibe ideias nebe “hatama hosi liur”.

Haré hosi fasilidadi saudi aktual iha rai laran, planu agora ba aban-bainrua mak ne’e:
1) Hospital lima (5) (Hospital boot sei harii iha Dili, no sira seluk fali sei harii iha Ainaro, Baucau, Maliana, no Oecussi);
2) Klinika ruma ho “level tolu” iha distritu sira seluk.Klinika ida-idak ho toba-fatin nen to’o sanulu.
3) Postu saudi nian 63 (bele ho toba-fatin ou laiha) ida ba sub-distritu ida, no
4) Postu 85 no klinika movel 116 nebe halo base iha subdistriktu no kontrola ba suku sira.

DHS hanoin atu harii klinika foun 2 iha sub-distritu sira nebe precisa liu.iha akhir 2001. Wainhira hotu ona DHS ho Banku Mundial sei estuda fali situasaun no desidi postu saudi hira tan mak precija atu harii iha 2002 no 2003, no sei determina fatin atu harii. Iha tempu ida ne’e mak sei halo rehabilitasaun no hadia hospital hat fora de Dili.


Peranan ONG internasional sira

Responsabilidadi boot liu hosi DHS mak fo suporta ba prossessu dejenvolvimentu kebijakan saudi nian no oin sa mak bele traca sistema saudi ida nebe diak ba nessessidadi Timor Lorosa’e nian no oin sa mak bele marka no kontrola implementasaun stratejia saudi nasional ida. Ida ne’e sai ona hosi kapasidadi atu bele fo pelayanan ba saudi. Ba rasaun ida ne’e DHS tenke sadere ba -kuran liu temporalmente - ba servisu hosi ONG internasional bar-barak atu bele hakonu nessecidadi saudi hosi nivel distritu.

Tamba ne’e DHS hatudu responsabilidadi atu bele implementa sistema saudi distritu ba ONG internasional sira iha base hosi prossessu level distritu involve servisu ONG sira iha distritu laran, autoridadi saudi lokal, no Igreja Katolika. Koordenador ONG internasional sira simu responsabilidadi hodi halo planu, organiza no maneija provisaun servisu saudi iha distriktu ida-idak. Organizasaun saudi sira seluk nebe servisu iha distriktu precija servisu hamutuk no koordena sira nia aktividadi hamutuk ho koordenador ONG internasional nian. DHS mos hili temporariamente (timor oan balun) nudar servisu-na’in saudi iha nivel distriktu atu bele servisu hamutuk ho Administrador Distriktu nian, ho funsaun hanesan penghubung entre DHS ho koordenador agensia saudi nian iha distriktu ida-idak, no kontrola edukasaun saudi lokal. DHS mos sei hatudu asistente ba servisu-na’in iha distriktu ida-idak atu bele fokus liu kona ba problema prevensaun saudi publiku. DHS mos sei dudu ka fo korajem ba voluntariu sira hosi komunidadi iha nivel sub-distriktu.

Iha mos buat nebe diak hosi diversidadi entre planu oin-oin iha nivel distriktu. Diversidadi ida ne’e importante tamba ida ne’e hatudu rekonhesimentu hosi parte DHS nian katak necessidadi iha distritu sira la hanesan. Ne’e mos fo ba DHS atu halo evaluasaun kona ba buat sira nebe diak no ladiak hosi planu oin-oin durante periodu tinan ida nia laran, nune’e bele sai maka’as liu, no bele sai modelu standar ida ba distiru hotu-hotu aban-bain-rua. Iha okasiaun nebe hanesan, timor oan sira nebe profesional iha saudi bele usa oportunidadi atu halo research kona modelu sitema saudi hosi fatin seluk iha mundu ne’e (maski la dun klara oin sa mak DHS sei fasilita processu research ida ne’e).Sistema saudi nivel distriktu aban-bainrua dala ruma sei sai kahur malu hosi servisu nebe governu, ONG sira, Igreija sira, no kooperativu lokal sira hala’o.


“Concerns” no Kritiku

Ema barak nebe iha interse maka’as atu evolve sistema saudi nian fo kritika bar-barak kona ba dejenvolvimentu iha aspektu ida ne’e. Kritiku nebe ema barak hatene (Common) mak kona ba konsultasaun nebe ladun to’o ho populasaun lokal, ONG internasional no partner lokal sira nebe involve iha sektor saudi. Nune’e mos ema barak ladun fiar katak fundu la dun adekuadu atu bele fo garantia ba standar saudi minimu no sustainabilidadi praju-naruk em termus provisaun servisu saudi nian. Iha linha nebe hanesan iha mos concerns kona ba sasan tekniku nebe la to’o iha fatin atu hala’o treinu ba.


Populasaun Lokal nebe Marjinalizadu

Konstrusaun ba facilidadi saudi nian nudar area ida nebe kompanhia lokal sira potensialmente bele partisipa. Maibe tamba Banku Mundial ho DHS rekere standar nebe as teb-tebes ba kontrator sira, no aceita de’it tawaran kontrak ba grupu hosi klinika lima, ida ne’e la dun fo fiar katak timor oan sira nebe halo bisnis (ONG lokal ka internasional) sei simu kontratu ruma. Atu kaer projektu hirak ne’e precija kapital no kapacidadi nebe boot teb-tebes). Resultadu nebe ita bele hetan hosi ne’e mak osan tokon ba tokon sei ba para hotu iha malae sira nia liman. Osan sira ne’e sei la hela iha Timor atu ajuda hodi hametin ekonomia lokal. Bele akontese katak bisnis na’in sira nebe mai hosi liur nebe manan kontratu ne’e kontratu fila fali projektu ne’e ba bisnis na’in timor oan sira. Ida ne’e sei mosu iha grau oin-oin nebe bele fo garantia lukro ba ekonomia lokal.

Ema sira nebe kritika DHS haré buat ne’e hanesan la to’o. Liu tan sira tauk katak iha kompanhia estranjeira ruma nebe hola resposabilidadi ba konstrusaun sentru saudi nian sei estraga pemeliharaan praju-naruk hosi fasilidadi hirak ne’e, no ema rai na’in mos sei la toman kona ba konstrusaun nebe sira halo. Sira mos laran ladun kontente tamba ema estranjeiru sira nia bisnis ladun familiar ho kondisaun nebe difisil ohin loron iha rai Timor Lorosa’e - liu-liu iha sub-distritu sira. Bisnis na’in lokal sira no mos ONG internasional balun toman tiha ona ho situasaun, tamba ne’e sira prepara an didiak atu bele hala’o konstrusaun.

Kritikus balun hateten katak tamba falta inklujaun nebe signifikante hosi bisnis-na’in lokal no organizasaun sira ba konstruksaun sentru saudi nian nudar mani-festasaun hosi problema boot hanesan: marjinalizasaun intersese lokais ba dejenvolvimentu sektor saude nasional. ONG saudi lokal no assosiasaun balun la partisipa iha estruktura DHS nian. Ne’e nudar efektu hosi desijaun nebe konsientemente DHS hola tamba keprihatinan hosi ema profesional saudi Timor Lorosa’e nian katak hasai tiha entidadi lokal nebe ladun iha skill no kapasidadi. Tamba ne’e ONG lokal no assosiasaun sira ne’e la simu fundu direktamente hosi struktura DHS (Haré pagina 2). Nune’e mos assosiasoens lokal sira ladun hola parte signifikante iha planu sistema saudi nian. Ba razaun ida ne’e balun hanoin katak ema rai-na’in sira hetan nivel nebe ki’ik liu atu bele kompriende saida mak akontese da-dauk iha sektor saudi nian.


Planu Sektor Saudi Nasional nebe ladun involve ONG internasional sira

ONG internasional sira iha distriktu iha fatin naton atu hala’o operasaun tuir maneira nebe sira sente diak liu, maski nivel autonomia ladun boot. ONG internasional sira precija servisu tuir restriksaun nebe DHS ho UNTAET hatun (fo sai) ba sira kona ba kuantidadi funsionariu lokal hira no vensimentu hira mak sira simu.

ONG internasional nebe servisu ba sektor saudi bolu atensaun ona ba buat nebe sira haré hanesan nivel konsultasaun nebe inadekuadu ho Banku Mundial ho ETTA - arkitetu prinsipal na’in rua ba sistema saudi foun. Tuir personil ONG internasional balun, Banku Mundial ho UNTAET hakarak teb-tebes atu simu informasaun hosi sira, maibe ladun ho laran atu involve sira ba dialogu nebe los kona ba forma sistema saudi foun.Ida ne’e dala ruma tamba ONG internasional sira hela temporariamente de’it iha Timor Lorosa’e. ONG internasional nebe hanesan hala’o funsaun direta ba provisaun saudi, no mos tenke haré konsekuensia hosi policy nebe DHS no Banku Mundial hasai.

ONG internasional sira, pur ezemplu, simu todan ida ba asumsi katak iha osan nebe adekuadu iha trust funds ba necessidadi saudi iha nivel distritu hotu-hotu. Asumsi ida nebe la los ne’e mosu tamba la dun iha komunikasaun entre Banku Mundial no DHS ho ONG internasional sira. Ikus fali wainhira Banku Mundial aprejenta ninia budget kona ba projektu rehabilitasaun saudi nian, ONG internasional sira foin hatene katak fundu ne’e labele hatan necessidadi hotu-hotu, no servisu-na’in lokal balun lakon sira nia servisu. ONG internasional sira tenke simu konsekuensia hosi ekspektasaun nebe labele hatan entre populasaun lokal ho sira nia staf balun. Ida ne’e kria relasaun ida nebe ladun diak entre sira ho populasaun lokal.

ONG internasonal sira kritika nafatin tamba Sektor Rehabilitasaun Saudi no Programa Dejenvolvimentu Banku Mundial/DHS nian la fo fundu ba aktividadi ONG internasional sira, maibe sira hein katak ONG internasional sira kontinua atu halo hospital no halo pelayanan masyarakat. Hosi prespektivu Banku Mundial nian, donator sira ne’e haré hanesan ladun rasional atu fo fundu nebe limitadu atu bele harii sektor saudi, no faktu hatudu katak ONG internasional sira hela iha Timor Lorosa’e ladun kleur. ONG internasional sira hatan katak sira nia responsabilidadi uluk liu mak atu bele dejenvolve kapasidadi entre servisu-na’in ba saudi Timor LoroSa’e nian no los katak sira nia servisu iha implikasaun nebe importante teb-tebes ba aban-bainrua. Ne’e katak se laiha fundu nebe adekuadu ONG internasional sira labele hala’o sira nia misaun ida ne’e.

Buat nebe ideal mak projektu saudi hotu-hotu, involve projektu saudi internasional, precija iha treina nebe maka’as. Pur ezemplu, konsultasaun tenke sai nudar responsabilidadi uluk liu ba enfremeiru/a sira, no ema estranjeiru sira nudar observador no/ka konsultan wainhira sira precija. Necessidadi ba buat hirak ne’e hotu mak precisa fo tekanan liu ba oin sa mak transfere skill ba servisu-na’in saudi lokal nian nebe iha. Ba razaun ida ba servisu-na’in saudi lokal nian nebe iha. Ba razaun ida ema la’o rai sira, la’os de’it hanesan ema nebe srvisu ba saudi, maibe mos nudar mestre.


Sustainabilidadi no Pemeliharaan Sektor Saudi Publiku nebe forte

Tamba deit asumsi katak governu Timor Lorosa’e nebe independente sei iha rekursus nebe limitadu, UNTAET, Banku Mundial, no CNRT konkorda (lia ida) atu bele fo limite ba empregadu Timor Lorosa’e nian. Objektivu hosi policy ida ne’e atu bele fo garantia katak Timor Lorosa’e nebe independente bele selu nia funsionariu sira. Maski haré hosi osan los, maibe matenek ba policy ida ne’e sei hamosu perguntas barak se nia objektivu mak atu fo garantia servisu ba necessidadi saudi populasaun Timor Lorosa’e nian - liu-liu sira nebe hela iha postu sira no foho. Ita bele hatutan tan katak fo medida nebe ki’ik ba funsionariu sira no fundu nebe ladun suficiente ba treinu, mak hamosu perguntas bar-barak nebe seriu kona ba abilidadi Ministru Saudi nian aban-bainrua, nebe sei evolve DHS atu mantein infrastruktura organijasaun no fisika nebe UNTAET harii.

Kona ba rekursu osan nebe kiak iha mos laran tauk kona ba privatizasaun ba tratamentu saudi ho intensaun atu hetan lukru. Tuir reprejentante ida iha Banku Mundial iha Dili katak iha akordu ida nebe forte entre ema sira nebe iha enterese maka’as ba saudi katak necessidadi basiku - hanesan imunizasaun, tratamentu anti-malaria, tratamentu ba inan ho oan, no tratamentu anti-TBC - la preciza selu. Koalia kona ba rekursu nebe limitadu iha Timor Lorosa’e tratamentu saudi privadu nudar posibilidadi limitada ida ba pelayanan nebe spesifik (Haré pagina 9 ho 12).


Tekanan nebe La sufisiente ba Saudi Ambiente

ONG internasional barak mak hakarak atu DHS fo tekanan boot ba saudi ambiente, inisiativu ba promosaun hygiene, ho sanitasi. To’o oras ne’e ita bele dehan katak koordenasaun entre DHS ho Departementu sira hanesan Unit Proteksaun ba Ambiente, Be Mos, Sanitasi, no Agrikultura oituan teb-tebes!



Hasoru Malu Fali ho Boletim La’o Hamutuk . . .
85k PDF format Tetum: Boletim La’o Hamutuk

Iha espirito hodi promove transparencia nebe makas liu, La’o Hamutuk convida individual atu contacto ami se iha documentos no/ou informacao nebe relaciona ho reconstrucao nebe iha interesse ba povo Timor Lorosa’e no membros comunidade internasional.

Tetum: (the most common East Timorese language)
La’o Hamutuk, Institutu Timor Lorosa’e ba Analiza no Monitor Reconstrusaun / Institut Permantauan dan Analisis Reconstruksi Timor Loro Sa'e  Updated Oct 30
Saida mak La’o Hamutuk?
* La’o Hamutuk organizasaun klibur Ema Timor Lorosa’e no Ema Internacional ne’ebe buka atu tau matan, halo analize ho halo relatorio kona ba hahalok (actividade) instuisaun internacional ne’ebe oras ne’e haknaar iha Timor Lorosa’e, liu-liu hahalok sira ne’ebe iha relasaun ho rekonstrusaun fizika no social Timor Lorosa’e nian.
* La’o Hamutuk fiar katak Povo Timor Lorosa’e mak tenke hakotu iha procesu rekonstrusaun ne’e nia laran no procesu rekonstrusaun ne’e tenke demokratiku no transparante duni.
* La’o Hamutuk organizasaun apartidario ida ne’ebe buka atu facilita participasaun efektiva Timor oan sira iha level ida boot liu tan iha rekonstrusaun no atu desenvolve nasaun Timor Lorosa’e.
* Ida tan, La’o Hamutuk haknaar atu aperfeisoa komunisaun entre instituisaun internacional sira ho organizasaun no sektor seluk housi sociedade Timor Lorosa’e nian.
* Ikus liu, La’o Hamutuk sai nudar centru rekursu ida, atu hafahe literature kona ba modelo dezenvolvimentu oin-oin, experiencia no pratika ho mos facilita kontaktu entre grupo Timor Lorosa’e ho especialista ka pratikante sira ne’ebe involve iha assunto sira kona ba dezenvolvimento iha rai selu-seluk iha mundo rai klaran.
Staf Timor oan: Inès Martins, Fernando da Silva, Thomas Freitas; Staf Internasional: Pamela Sexton, Mark Salzer; Kuadru Ejekutivu: Sr. Maria Dias, Joseph Nevins, Fr. Jovito Rego de Jesus Araùjo, Aderito Soares Durubasa: Benjamin Sanches Afonso, Tomé Xavier Jeronimo, Maria Bernardino, Manuel Tilman, Djoni Ferdiwijaya Ilustrador: Sebastião Pedro da Silva, Nan Porter Design Jeronimo Staf Monitoriu Projektu Judiciariu JSMP: Christian Ranheim, Caitlin Reiger, Rayner Thwaites
Local Contact:  P.O. Box 340, Dili, East Timor (via Darwin, Australia)  Mobile fone: +61(408)811373;  Telefone Uma: +670(390)325-013 Email: laohamutuk@easttimor.minihub.org
International contact: +1-510-643-4507 Email: lh@etan.org Homepage: http://www.etan.org/lh
Boletim La’o Hamutuk: [Tetum PDF format]
Vol. 2, No. 3 Junho 2001 Fundu Monetariu Internasional (IMF) iha Timor Lorosa’e: http://www.etan.org/lh/PDFs/bulv2n3T.pdf
Vol. 2, Nos. 1-2 Abríl 2001 Vizaun Jeral Hosi Fundu Ba Rekonstrusaun Timor Loro Sa’e: http://www.etan.org/lh/PDFs/lhbl2n1t.pdf
Vol. 1, No. 4, 31 Dejembru 2000 Banku Mundial iha Timor Loro Sa’e: http://www.etan.org/lh/PDFs/lhbul4tm.pdf
Vol. 1, No. 3, 17 Novembro 2000 Hari Sistema Saude Nasional iha Timor Lorosa’e:  http://www.etan.org/lh/PDFs/LHbul3tm.pdf
Vol. 1, No. 2, 17 Julho 2000 Protesaun ba meio ambiente iha TL: http://www.etan.org/lh/PDFs/bulletin02tetum.pdf
Vol. 1, No. 1, 21 Juñu 2000 Rekonciliasaun: http://www.etan.org/lh/PDFs/bulletin01tetum.pdf

English:
La'o Hamutuk: East Timor Institute for Reconstruction Monitoring and Analysis  Updated Oct 30
La'o Hamutuk is a registered East Timorese non-government organization (ETNGO)
La'o Hamutuk (Tetum for Walking Together) is a joint East Timorese-international organization that seeks to monitor, to analyze, and to report on the reconstruction activities of the principal international institutions. It believes that the people of East Timor must be the ultimate decisionmakers in the reconstruction process and that the process should be as democratic and transparent as possible ...
East Timorese staff: Inès Martins, Fernando da Silva, Thomas Freitas; International staff: Pamela Sexton, Mark Salzer Executive board: Sr. Maria Dias, Joseph Nevins, Fr. Jovito Rego de Jesus Araùjo, Aderito de Jesus Soares Translators: Maria Bernardino, Tom‚ Xavier Jeronimo JSMP staff: Christian Ranheim, Caitlin Reiger, Rayner Thwaites
International contact: +1-510-643-4507 Email: lh@etan.org Homepage: http://www.etan.org/lh
La’o Hamutuk Bulletin: http://www.etan.org/lh/bulletin.html
Mar 23 2001 LH: Job announcement for La'o Hamutuk in East Timor: http://www.pcug.org.au/~wildwood/01marjob.htm
Activity Report: Mar 16 2001 LH: http://www.pcug.org.au/~wildwood/01marlhreport.html


Haree:

BD: Suatu kumpulan warta berita, artikel dan laporan dalam Bahasa Indonesia

BD: Reconstruction and 'Aid & Development' / Rekonstrusaun i 'Ajuda i Dezenvolvimentu' / Reconstrução e 'Ajuda e Desenvolvimento' - A collection of recent press releases, reports, and articles

BD: Financing Reconstruction in East Timor / Fundu Ba Rekonstrusaun Timor Loro Sa’e / Bantu uang: Rékonstruksi - A collection of recent reports and articles

BD: Capacity Building & 'Timorisation' / à Criação de Capacidades - A collection of recent statements, reports, articles and news

BD: Peoples' Participation / Partisipasaun Politika / Partisipasi Politik / Participação Dos Povos - A collection of recent media releases, reports and articles

BD: East Timor National NGO Forum / Forum Nacional ONG Timor Lorosa'e (FONGTIL) / LSM-LSM Timor Loro Sa’e - A collection of recent media releases, position-statements, speeches, petitions, reports, and news


Haruka buat lia-foun, reportajen, ai-knanoik ho istória jornalista lia-loos sira ba BACK DOOR nia korreiu ba li’ur elektróniku: wildwood@pcug.org.au
Korreius: BACK DOOR, GPO Box 59 (Kaixa 59), Canberra City (Sidade Canberra), ACT  2601, AUSTRALIA
Se Ita hakarak simu boletin lia-foun semana-semana karik Ita bele email wildwood@pcug.org.au ho liafuan ‘Subscribe BACK DOOR’ iha kabesallu mensajen ne’e. Boletin email sira hakerek prinsipál lia-inglés. Dala balu nia inklui liafuan bahasa, lia-portugés i lia-tetun.
BACK DOOR Boletin Lia-Foun Kona ba Timór Loro Sa’e

Uma-fatin (pájina primáriu) | Lia-tetun | Lia-indonézia | Lia-portugés | Buka website ne’e
Email (korreiu ba li’ur elektróniku): wildwood@pcug.org.au
WEB-fatin (Pájina primáriu): http://www.pcug.org.au/~wildwood